Отыншиева Айдана Айтукызы – PhD докторы, Әл-Фараби атындағы Қазақ Ұлттық университеті, Халықаралық қатынастар факультеті, Халықаралық құқық кафедрасының аға оқытушысы, 2 мәрте «Болашақ» бағдарламасының стипендиаты және түлегі. 2013 жылы Болашақ бағдарламасымен Ұлыбританияның Ньюкасл университетінің Заң факультетінде «Халықаралық бизнес құқығы» мамандығы бойынша магистратураны тәмамдады. Ғылым мен білімнің дамуына қосқан үлесі үшін ТМД-ның «Үздік жас ғалым-2021» медалімен марапатталды («Бөбек» жалпыұлттық қозғалысы). Университеттің дамуына қосқан үлесі үшін «Әл-Фараби атындағы Қазақ Ұлттық университетіне – 80 жыл» мерейтойлық медалімен марапатталды. 2016 жылы Лондон қаласындағы Миддлсекс университетінде профессор Дж.Кастеллиноның жетекшілігімен ғылыми тағылымдамадан өтті. Болашақ бағдарламасының стипендиясы аясында, 2021-2022жж. аралығында профессор С.Барнстың жетекшілігімен АҚШ- тағы Пенсильвания штаты университетінің заң факультетінде шақырылған ғылыми қызметкер ретінде тағылымдамадан өтті. Отыншиева А.А. халықаралық құқық мамандығы бойынша ағылшын бөлімдерінде оқитын студенттер, магистранттар мен докторанттарға дәрістер оқиды, факультет пен кафедраның қоғамдық жұмыстарына белсенді қатысады, халықаралық және республикалық конференцияларға, семинарлар мен дөңгелек столдарға баяндамалармен қатысу арқылы өзінің кәсіби деңгейін үнемі көтеріп отырады. Ол Бішкек, Газиантеп, Ньюкасл, Лондон, Стейт колледж, Гавр, қалаларында өткен конференцияларда адам құқықтарын қорғау мәселелері тақырыбында ағылшын тілінде баяндама жасап, халықаралық конференцияларға қатысты. Студенттер мен магистранттарды үнемі ғылыми конференцияларға дайындайды. 2024 жылдың бірінші жартысында Адам туралы ғылым қоры (FMSH) мен Орталық Азиядағы Француз зерттеулер институты (IFEAC) қаржыландыратын Атлас бағдарламасы аясында Орталық Азияның постдокторант зерттеушілері үшін қысқа мерзімді постдокторлық ұтқырлық бағдарламасының стипендиясын ұтып алды. 2024 жылдың қыркүйек-қазан айларында Франциядағы Гавр университетінде профессор П.Шабальдың жетекшілігімен постдокторлық зерттеуін жүргізіп, «Human Rights Protection Mechanisms in the Republic of Kazakhstan at the present stage: Problems, Current State and Ways of Improvement» тақырыбында мақаласы жарық көрді. А.А. Отыншиеваның SCOPUS, Web of Science деректер базасындағы журналдарда ғылыми, оқу-әдістемелік сипаттағы 50-ден астам басылымдары бар, оның ішінде 30-дан астамы шетелде (Ұлыбритания, Түркия, Қырғызстан, Франция, АҚШ және т.б.)